Gabay para sa mga Taong Uno

 Ang mga Taong Uno ay 'yung mga ipinanganak sa petsang 1, 10, 19 at 28. Sila 'yung mga taong madiskarte, madaling magkapera pero magastos. One day millionaire kumbaga. Mahilig kasi silang magsabi ng 'bahala na bukas'. 



Malalakas ang loob ng mga Taong Uno kaya sila ay mahilig ding magsugal. Hindi lamang sa pagtaya-taya sa kung anong uri ng mga sugal kundi pati na rin sa pag-ibig, pangingibang bansa, pagnenegosyo at pagi-invest. Kaya, isa sila sa mga yumayaman dahil wala silang takot na itaya ang lahat na mayroon sila. Kung mabibigo sila ay siguradong pupulutin sila sa kangkungan pero kapag nanalo naman ay siguradong pati ang mga kaanak nila'y magdiriwang. 

May mga pagkakataon talaga sa ating buhay na kailangan nating tumaya dahil kung hibdi tayo maglalakas ng loob na gawin iyon ay tiyak na darating ang panahon na magsisisi tayo dahil habambuhay natin iisipin ang katanungang what if?

Ngunit siyempre, kailangan din namang maging matalino sa pagpili ng dapat tayaan. Ang mga taong uno ay magastos kaya kailangan niyang kontrolin ang sarili niya sa pagbili-bili ng kung anu-ano lang, sa halip, mag-invest. Bumili ng mga gintong alahas kaysa mamahaling bags, damit at mga kagamitan dahil ang mga ito ay naluluma at nasisira lang samantalang kung alahas bibilin mo ay tumataas ang value pagdating ng araw. Kung ganoon, maaari mo pa itong ipagbili sa mas mataas na halaga. 

Bukod sa alahas, maaari ka ring mag-invest ng bahay at lupa, hindi mo man ito matirhan, maaari mo namang paupahan kaya ang babalik pa rin sa'yo ang perang ginastos mo o kaya naman ay maibebenta mo ito sa mas mataas na halaga. 

Sa pag-ibig naman ang swak sa kanila ay iyong mga taong may kabaligtaran ng kanilang hitsura. Kung ang Taong Uno ay maputi, ang partner nila ay dapat na maitim. Kung ang taong uno ay maliit, ang partner nila ay dapat matangkad. Opposite poles attract together daw kasi. Ibig sabihin, mas susuwertehin ang Taong Uno kung baligtad ang hitsura ng kanilang partner pero mas magiging nasuwerte ang Taong Uno kung malaki ang tiyan ng kanilang partner. 

O, Taong Uno ka ba?


Comments

Post a Comment

Popular posts from this blog

Gabay para sa mga Taong Kuwatro

Image
 Ang mga Taong Kuwatro ay ipinanganak sa petsang 4, 13, 22 at 31. Sila ang mga taong nagkakaroon lamang ng biglaang suwerte kapag inalis niya sa kanyang puso't isipan ang pagiging negatibo. Hindi sila dapat makaramdam ng takot, galit at pag-aalinlangan. Ang dahilan, makakaramdam sila ng panghihina. Mahihirapan silang papasukin ang suwerte sa kanilang buhay.  Ang paraan para mawala ang negatibong damdamin at kaisipan ng Taong Kuwatro ay magsimba o magbakasyon. Sa pagsisimba kasi ay magagawa mong kausapin si Lord at magagawa mong mailabas ang lahat ng sakit na iyong nararamdaman kaya't gagaan ang iyong loob. Kung nakaramdam ka naman ng matinding kabiguan, halimbawang na-brokenhearted ka, maiging magbakasyon ka na lang muna. Maaari pang sa pupuntahan mo ay magiging daan para matagpuan mo ang taong itinakda talaga para sa'yo.  Kung ang kapaligiran mo naman ay nababalutan nang ka-negahan. Ito 'yung maraming tsismosa, lasenggero o mga taong nagbibigay ng masamang impluwensiya...
Read more

Magpa-Gabay

Image
 Hula + advice = GABAY Birthday mo 50 Birthday ng iyong ka lovelife - 50 Pirma - 75 Palad 75 All in -- 250 Kung interesado, comment ka sa baba.  *** Para naman sa mga taong naghahanap ng kausap o nangangailangan ng payo.  30 minutes na pag uusap – 150 1 hour na pag uusap – 300 Additional 50 every 15 minutes – 50
Read more

Gabay para sa mga Taong Otso

Image
 Ang mga taong ipinanganak sa petsang 8, 17 at 26 ay tinaguriang taong Otso. Sila ang mga taong puno ng paghihirap. Mula pa pagkabata ay para na silang may pasan-pasang krus sa kanilang balikat. Kalimitan silang mga Taong Otso ay may broken home, madalas na nabu-bully at nabibigo sa pag-ibig. Kung isang babae ang Taong Otso, maaaring maging disgrasyada siya.  Ang buhay ng mga Taong Otso ay maikukumpara sa mga bida sa teleserye na aping-api. Parang tinatapakan palagi ang kanilang pagkatao. Kaya naman, ang makapagbibigay suwerte sa kanila ay lupa. Iyon kasi ang lumalabas na kapantay nila kaya't para suwertehin ang mga Taong Otso, kailangan nilang gawin ang alinman sa mga ito -- mangibang bansa, magtrabaho sa farm, magtinda ng prutas, gulay at bigas dahil ang lahat ng ito ay namunga at tumubo dahil sa lupa, maaari rin kayong magbenta ng kabaong, bahay at lupa.  Bakit kabaong? Tiyak na marami ang magtatanong nito. Siyempre, dahil ilalagay mo rin sa ilalim ng lupa ang kabaong....
Read more